Qsport — Қазақстанда AR графиканы спорт трансляцияларында алғаш енгізген компания
2024.11.29
2024 жылдың 23 қараша күні Түркістанда 1XBET QFL Лига кубогының финалы өтті. Маусымның қорытынды футбол матчы Qsport өндірістік командасының кезекті технологиялық серпілісінің алаңына айналды.
Трансляция барысында толықтырылған шынайлық (AR) элементтері, ойыншылардың трекингі, тереңдетілген статистикасы бар жаңартылған графикалық пакет қолданылды. Бұл инновациялық шешім тікелей эфирде матчты тамашалаған жанкүйерлер үшін барынша ақпаратқа толы және әсерлі болып, әлемдік спорттық хабар тарату стандарттарына сай келді.
Матч алдындағы студия интерактивті форматта ұйымдастырылды: сарапшылар ойын алдындағы тактикалық шешімдер мен ойыншылардың мүмкіндіктерін талқылады. Тереңдетілген статистикалық деректер AR-анимация мен салыстырмалы кестелер арқылы ұсынылып, көрермендерге қолжетімді әрі түсінікті болды. Бұл жаңашылдық аудитория тарапынан жоғары бағаланды.
Матч басталар алдында көрермендер командалардың таныстырылымы мен клуб көшбасшыларының статистикасын салыстыруын әсерлі AR-шоу арқылы тамашалай алды. Ойын кезінде live-трекинг технологиясы арқылы қайталау жүйесі қолданылды. Бұл шешім матчтың маңызды сәттерін назардан тыс қалдырмай, әр жайтты жіті қадағалауға мүмкіндік берді.
Үзіліс кезінде аралық нәтижелер футбол алаңында 3D-графика форматында ерекше әсерлі түрде көрсетілді. Ал трансляцияның шарықтау сәті марапаттау рәсіміне тұспа-тұс келді: сахна үстінде жеңімпаз команданың төсбелгісі үлкен AR-анимациясы ретінде көрсетілді. Бұл салтанатты рәсімге ерекше сән сыйлағаны сөзсіз.
Аталмыш технологиялар трансляцияның ақпараттық мазмұнын арттырып қана қоймай, көрермендерді өзіне тарту барысын жаңа деңгейге өсірді. Түркістандағы финал болашақ спорт трансляциялары үшін, үлгі боларлық ерекше оқиғаға айналды. Qsport Қазақстанда тағы бір мәрте спорт медиаиндустриясында жаңашыл көшбасшы екенін дәлелдеді.
Qsport медиа холдингі 2024 жылы Qazaqstan Football League-ның ресми хабар таратушысы атанды. Алғаш рет барлық матчтар жаңартылған графикалық безендірумен және кәсіби комментатордың сүйемелдеуімен ұсынылды. Ал көрермендердің ыңғайлылығы үшін, qfootball.kz платформасында ОТТ-платформасы іске қосылып, матчтардың тікелей көрсетілімдері мен шолуларын тегін тамашалай алды.
Инновации в финале 1XBET QFL Кубка лиги на Qsport
