2024 жылғы ҚПЛ маусымының қорытындысы — QSport YouTube-арнасында

Өткен аптада QSport арнасында 2024 жылғы маусым туралы үш шығарылым жарық көрді. Бұл жолы «Тобыл», «Елімай» мен «Атырау» командаларының нәтижесін қорытындыладық.

2024 жылы «Тобыл» соңғы жылдардағы ең сәтсіз маусымын өткізді. Былтыр Қазақстан Кубогындп топ жарған команда биыл жүлдесіз қалып, бесінші орынға жайғасты. Бұған не себеп болды? YouTube-арнамызда «Тобылдың» өткізген маусымына сараптама жасадық.

«Елімай» былтыр Бірінші лигада бақ сынаған. Ал биыл Премьер-лигаға қайтып оралып қана қоймай, алғашқы алтылықтан орын алды. Жаңа шығарылымда «Елімайдың» мұндай нәтижеге жетуіне не көмектескенін, алдағы маусымға қандай мақсат қойғаны туралы айттық.

«Атырау» жылдан жылға аз да болсын нәтижесін жақсартып келеді. Екі жыл бұрын 11-орында тұрақтаған ұжым биыл 7-сатыға көтерілді. Келесі жылға қандай мақсаты бар? Youtube-арнамыздағы «Атырау» туралы шығарылымда түсіндіріп көреміз.