2025 жылға да аз уақыт қалды

2025 жылға да аз уақыт қалды. Алдымызда Еурокубоктардың қызықты матчтары, Қазақстан футболының тағы бір тартысты маусымы және Moto GP санатындағы ондаған жарқын жарыстар бар. Бірақ жаңа жылға қадам баспас бұрын, өткен жылды қорытындылайық.

365 күн бойы біз спорт туралы жазып, айтып келдік. Әлемдік спорттың басты оқиғалары бізден қалыс қалмады. Испания төртінші рет Еуропа чемпионы атанды, ал Родри күтпеген жерден «Алтын допты» жеңіп алды. Ал «Қайрат» араға 4 жыл салып – ҚПЛ чемпионы болды. Біз ғажайып жарыстардың, ұлы жеңістер мен жеңілістердің куәсі болдық. Бұл сәттер көрермендердің есінде сақталып қана қоймай, спорт тарихына да енеді.

2024 жылы QSport YouTube-арнамыз 30,5 миллион қаралым жинады. Сіздермен спорт туралы сапалы контент ұсынғанымызға қуаныштымыз және сіздердің белсенділігіңіз үшін алғыс айтамыз! Биыл жас арнамыз 148 мың жазылушыға жетті. 2025 жылы алғашқы миллионға жетеміз деп сенеміз!

QFL Olimpbet Қазақстан Премьер-Лигасы, 1XBet Бірінші лигасы, 1XBet QFL Лига Кубогын және әйелдер лигасының барлық матчтарын QSport толық көрсете алды. Сондай-ақ, біз Qfootball атты Қазақстан футболына арналған толыққанды портал аштық. Бұл портал арқылы елдегі барлық кәсіби футбол матчтары тікелей көрсетілді. Биыл порталға 500 мыңнан астам футбол жанкүйері кірді. Бұл тек бастамасы деп білеміз, ал келер жылы аудиториямыз одан әрі өседі деп үміттенеміз.

Өткен жылдың ең ерекше әрі эмоцияға толы оқиғаларының бірі – «Алтын доп» марапатын табыстау салтанаты. Көптен күткен іс-шараны біздің YouTube-арнамыздан 2 836 852 адам тамашалады! Бұл көрсеткіш Родридің өзін таңғалдыратынына сенімдіміз.

Баршаңызға спортқа деген сенімдеріңіз бен сүйіспеншіліктеріңіз үшін алғысымызды білдіреміз. Сіздерге 2025 жылы бақыт, махаббат және амандық тілейміз. Алға қойған арман-мақсаттарыңыз орындалсын! Ал бос уақытыңыз болса, қай арнаны қосу керегін білесіздер. Жаңа жыл құтты болсын!