Футзалдан Чемпиондар Лигасының Элиталы кезеңі QSport телеарнасының тікелей эфирінде көрсетілді

Осы аптада Қазақстан клубтарының қатысуымен футзалдан Чемпиондар Лигасының элиталық раундының матчтары аяқталды.

2024 жылдың 26 қарашасы мен 1 желтоқсаны аралығында «Қайрат» пен «Семей» Хорватия мен Испанияда өткен іріктеу кезеңінде бақ сынады.

«Семейдің» «D» тобындағы қарсыластары: испаниялық «Пальма», польшалық «Рекорд» және словакиялық «Лученец». «Семейдің» барлық ойынын QFootball телеарнасында, сондай-ақ YouTube арнамызда тікелей эфирде көрсеттік.

Семейлік клуб үшін 2024/2025 жылғы Чемпиондар лигасы дебют болды. Сондықтан топтағы екінші орынды лайық нәтиже деп айтуға болады. Ал «Қайрат» жоғары деңгейін тағы бір мәрте дәлелдеп, төрт жылдық үзілістен соң төрттік финалға жолдама алды.

Финалдық кезеңге алматылық клубтан өзге испаниялық «Картахена» мен «Пальма» және португалиялық «Спортинг» шықты. Матчтар 2025 жылдың 1-4 мамыр күндері аралығында өтеді. «Қайрат» бұған дейін бұл турнирде 2012/13 және 2014/15 жылғы маусымда топ жарған.