КПЛ клубтарының жолдастық матчтарын QSport арналарынан тамашалаңыз

QSport қазақстандық командалардың оқу-жаттығу жиынындағы бақылау ойындарын көрсетеді. Біздің телеарнадан «Елімай», «Қызылжар», «Ордабасы», «Қайрат», «Ұлытау» және басқа да КПЛ клубтарының ойындарын тамашалай аласыз. «Қызылжардың» алғашқы жиыны жабық режимде өтетіндіктен, Петропавл командасының матчтары екінші жиыннан бастап көрсетіледі.

Естеріңізге сала кетейік, 2025 жылғы маусымда өтетін Қазақстан Премьер-Лигасының 34-чемпионатында 14 клуб өнер көрсетеді. Чемпиондық атағын «Қайрат» қорғайды. Өткен маусым қорытындысы бойынша OLIMPBET Премьер-Лигасында «Оқжетпес» пен «Ұлытау» ойнайды, ал «Шахтер» 1XBET Бірінші лигада өнер көрсетеді.

Командалардың оқу-жаттығу жиындарының бір бөлігі Түркияда, ал екінші бөлігі БАӘ-де өтеді. Алғашқы бақылау матчы 13 қаңтарда өтеді, онда «Елімай» Белградтың «Чукаричек» командасына қарсы ойнайды. Жаңалықтарды QSport холдингі арналардың әлеуметтік желілерінен бақылап отырыңыз.