Тарихтағы ең суық матч: QSport «Астана» — «Челси» ойынында

12 желтоқсанда Алматыда көптен күткен «Астана» мен Лондонның «Челси» клубтары арасындағы УЕФА Конференциялар лигасының топтық кезеңіндегі футбол матчы өтті. Ойынға ТМД елдерінен футбол жанкүйерлері жиналса, ағылшын тілінде сөйлейтін көрермендер қатарында негізінен Лондоннан келген қонақтар болды.

QSport командасы бұл айтулы оқиғадан шет қалмай, матчтың атмосферасын әсерлі влогта көрсетті. Влогымызда екі команданың бас бапкерлері Григорий Бабаян мен Энцо Мареска, «Челсидің» ойыншысы Педру Нету, сондай-ақ жанкүйерлер мен қонақтар матч туралы ойын бөлісті.

«Астана» 1:3 есебімен жеңіліп қалды. Қазақстандық клуб сапынан жалғыз голды хорват футболшысы Марин Томасов соқты. «Челси» сапында испаниялық Марк Гиу мен португалиялық Ренату Вейга көзге түсті, ал қазақстандық қорғаушы Александр Марочкин автогол авторы атанды.