Өзбекстан – әлем чемпионатына бір қадам қалды

Өзбекстан құрамасы 5 маусымда БАӘ-мен, ал 10 маусымда Катармен кездеседі. Бұл ойындар 2026 жылғы әлем чемпионатына іріктеудің үшінші кезеңі аясында өтеді.

Бұл — «Ақ қасқырлар» үшін шешуші екінші матч. Сегіз турдан кейін Өзбекстан топта екінші орында тұр. Бұл позиция оларға тарихта алғаш рет әлем чемпионатына тікелей жолдама алуға мүмкіндік береді. Қазір олар үшінші орында тұрған БАӘ құрамасынан төрт ұпай алда.

Келесі кезеңге шығу үшін Өзбекстанға тең ойын жеткілікті.

Екі құрама осы күнге дейін 10 рет кездесті. Олардың жартысы — әлем чемпионатына іріктеу ойындары. БАӘ үш рет жеңіп, бір ойында тең түскен. Жалғыз жеңілісі — былтыр қазанда Ташкентте тіркелген (0:1). Қалған бес матч жолдастық сипатта өтіп, екі команда да екі реттен жеңіске жетіп, бір рет тең түскен.

Іріктеу кезеңіндегі команда көшбасшысы — Элдор Шомуродов. Оның еншісінде 4 гол мен 4 нәтижелі пас бар. Одан кейін Аббосбек Файзуллаев (4 гол, 2 пас), Остон Урунов (4+1), Отабек Шукуров (3+2) және Жалолиддин Машарипов (1+4) бар.

Өзбекстан құрамасының ойындарын QSport медиа холдингі тікелей эфирде ұсынады.