Қазақстан, Өзбекстан және Қырғызстан құрамаларының 2026 жылғы әлем чемпионатының іріктеуіндегі наурыз айындағы нәтижелері

20-26 наурыз аралығында QSport медиахолдингінің арналары арқылы 2026 жылғы әлем чемпионатының іріктеу ойындары көрсетілді. Қазақстан құрамасы еуропалық квалификацияда өнер көрсетсе, Қырғызстан мен Өзбекстан Азия аймағындағы плей-офф матчтарын өткізді. Бұл мақалада құрама ойындарының қорытындылары, маңызды сәттері және әлем чемпионатына шығу мүмкіндіктері талданды.

Қазақстан: Лихтенштейннен басым түсіп, Уэльстен жеңілді

Наурызда басталған еуропалық іріктеу кезеңінде Қазақстан құрамасы бас бапкері Әли Әлиевтің жетекшілігімен екі матч өткізді. Алдымен команда сырт алаңда Уэльске 1:3 есебімен жол берсе, кейін Лихтенштейнді 2:0 есебімен ұтты.

Екі турдан кейін Қазақстан 3 ұпай жинады. J тобында көшбасшылар – Солтүстік Македония мен Уэльс (4 ұпайдан), Қазақстан үшінші орында, ал Бельгия мен Лихтенштейн әлі ұпай ала алмады. Айта кету керек, Бельгия Ұлттар лигасына қатысқандықтан, әлі бірде-бір матч өткізген жоқ.

Топ жеңімпазы тікелей әлем чемпионатына жолдама алады, ал екінші орын иегері плей-офф кезеңіне қатысады.

Өзбекстан: Иранмен тең ойын және тікелей жолдама үшін күрес

20 наурызда Өзбекстан құрамасы Қырғызстанды 1:0 есебімен жеңсе, 25 наурызда Иранмен 2:2 есебімен тең түсті.

Бұл матчқа дейін Өзбекстан құрамасы Иранды тек бір рет – 2012 жылы 2014 жылғы әлем чемпионатының іріктеуінде жеңген болатын. Кездесуге дейін Иран 19 ұпаймен топтың көшбасшысы болса, Өзбекстан 16 ұпаймен екінші орында еді.

Өзбекстан құрамасы Қырғызстан-Қатар кездесуінің нәтижесін біліп отырды. Бұл ойында Қатар 1:3 есебімен жеңіліп, Тимур Кападзенің командасының тікелей әлем чемпионатына шығу мүмкіндігін арттырды.

Иран құрамасы үшін бұл ойында жеңіліс тиімсіз еді. Еркінов пен Файзуллаевтың голдарына Тареми дубльмен жауап қайтарды.

Өзбекстан құрамасының әлем чемпионатына шығу мүмкіндігі әлі де бар. Кападзе командасын екінші орыннан ығыстыра алатын жалғыз команда – Біріккен Араб Әмірліктері. Ол үшін БАӘ міндетті түрде Өзбекстанды және Қырғызстанды жеңуі тиіс. Сонымен қатар, Өзбекстан ұпай жоғалтса, жағдай күрделене түседі.

Қырғызстан: Қатарды жеңді, бірақ әлем чемпионатына шығу мүмкіндігінен айырылды

Өзбекстаннан 0:1 есебімен жеңілгеннен кейін Қырғызстан құрамасы Қатарды 3:1 есебімен жеңіп, жанкүйерлерін қуантты. Алайда, бұл жеңіс командаға тікелей жолдама беретін 1-2 орын үшін күресті жалғастыруға мүмкіндік берген жоқ.

Енді Қырғызстан 3-4 орындар үшін күресуде, бірақ ол үшін қалған матчтардың барлығында жеңіске жетіп, Қатардың ұпай жоғалтуына үміттенуі керек.

Айта кету керек, Қатар мен Өзбекстан үшін барлық сұрақтар 5 маусымда шешілуі мүмкін. Егер Қатар Иранды жеңсе, 4-орынға тұрақтайды, ал Өзбекстан БАӘ-ден жеңілмесе, әлем чемпионатына тікелей жолдама алады.