Ұлттар Лигасы — QSport медиахолдингінің арнасында

УЕФА Ұлттар Лигасына ширек финал кезеңі қосылды, ойындар 20 және 23 наурызда өтеді. А лигасы топтарының жеңімпаздары мен екінші орын иелері бір-бірімен кездеседі. Ширек финал жеңімпаздары маусым айында Германия немесе Италияда өтетін финалдық турнирге жолдама алады.

Сонымен қатар, 20 және 23 наурызда Лига А мен Лига В, сондай-ақ Лига В мен Лига С арасында плей-офф матчтары өтеді. Ұлттар Лигасы кездесулерін QSport медиахолдингінің арналарынан көруге болады, матчтардың басталу уақыты мен бағдарламасы сайттың “Телебағдарлама” бөлімінде көрсетілген.

Сондай-ақ, 21 наурызда 2026 жылғы әлем чемпионатына іріктеу аясында Еуропа квалификациясы басталады. Турнир аясында Қазақстан наурыз айында екі ойын өткізеді — 22 наурызда Уэльспен және 25 наурызда Лихтенштейнмен.