QArena арнасында – Америк Гран-приі

2025.03.31

Өткен демалыс күндері мотоспорт жанкүйерлерінің назары MotoGP әлем чемпионатының үшінші кезеңі – Америк Гран-приіне ауды. Бұл жарысты көрермендер QArena арнасынан тікелей эфирде тамашалай алды.

Мәреге бірінші болып «Дукати» командасының шабандозы Франческо Баньяя жетті. Ол күміс жүлдегер Алекс Маркесті екі секундтан астам уақыт айырмасымен басып озды. Үздік үштікті Фабио Ди Джанантонио түйіндеді.

Жарысты поул-позициядан бастаған Марк Маркес ұзақ уақыт көшбасшылықты сақтап тұрды. Алайда 9-шы айналымда мотоциклден құлап, пелотонның соңына сырғыды. Алайда, бірнеше айналымнан кейін жарысты жалғастырудан бас тартты.

Осы нәтижеден кейін Алекс Маркес чемпионаттың жаңа көшбасшысына айналып, Марк Маркесті бір ұпайға артта қалдырды. Ал Америк Гран-приінің жеңімпазы Баньяя жалпы есепте үшінші орынды нық иеленді.

MotoGP әлем чемпионатының төртінші кезеңі 11-13 сәуір аралығында Қатарда өтеді.