U-17 Азия кубогын QSport арналарынан тамашалаңыз!

3-20 сәуір аралығында Сауд Арабиясында 17 жасқа дейінгі футболшылар арасында Азия кубогы өтеді. Құрлықтың ең мықты командалары әлем чемпионатының жолдамасына таласады. Бұл турнирді толық көлемде біздің холдингтің арналарынан тамашалай аласыз.

Турнирге 16 құрама қатысады, олар төрт топқа бөлінген. Әр топтың үздік екі командасы ширек финалға шығады. Жартылай финалға жеткен төрт құрама 2025 жылы Қатарда өтетін жасөспірімдер арасындағы әлем чемпионатына жолдама алады.

Турнирдің ашылу матчында Өзбекстан мен Тайланд құрамалары кездеседі. Ал күннің екінші матчында турнир иелері – Сауд Арабиясы құрамасы мен Қытай командасы өзара күш сынасады.

Тікелей эфирлердің толық бағдарламасы жақын арада жарияланады.